Gipuzkoako Lurralde Historikoko basoak zaindu, hobetu eta ugaritzeko diru laguntzen oinarri arautzaileak eta 2020ko deialdia

Xedea

Oinarrien xedea da Gipuzkoako Lurralde Historikoko basoak zaindu, hobetu eta ugaritzeko dirulagun tzak ezartzea, Europako Legebiltzarraren eta Ba tzordearen 2013ko abenduaren 17ko 1305/2013 (EB) Erregelamenduak, Landa Garapenerako Europako Nekazaritza Funtsetik (LGENF) emango diren landa garapenerako laguntzei buruzkoak, eta Euskal Autonomia Erkidegoko 2015-2020 Landa Garapenerako Programaren eremuan.

ESKAERAK AURKEZTEKO EPEAK: 12/06/2020 – 11/08/2020

ZENBATEKOA: 3.682.786,00 euro

HARTZAILEAK: Diru laguntza hauek jaso ahal izango dituzte Gipuzkoa ko Lurralde Historikoko nekazaritza ustiategi baten titular diren pertsona fisiko nahiz juridikoek, betiere betetzen badituzte Gipuzkoako dirulaguntzei buruzko martxoaren 27ko 3/2007 Foru Arauak 12. artikuluan onuradun izaera lortzeko ezartzen dituen baldintzak, nahiz oinarri arautzaile hauetan dagokion laguntza lerrorako ezartzen dituen baldintza bereziak. Gainera, Nekazaritza Ustiategien Erregistroan inskribatuta egon behar dute.

• 04.3 azpineurria: Azpiegiturak egitea basogintza garatzeko, modernizatzeko edo egokitzeko.
• 08.1 azpineurria: Basosartzea eta baso azalera sortzea.
• 08.3 azpineurria: Suteek, natur hondamendiek eta zorigaitzek eragindako kalteei aurre hartzeko laguntza.
• 08.4 azpineurria: Suteek, natur hondamendiek eta zorigaitzek eragindako kalteak konpontzeko laguntza.
• 08.5 azpineurria: Baso ekosistemak egokitzeko gaitasuna eta ingurumeneko balioa handitzeko inbertsioak.
• 08.6 azpineurria: Basogintzako teknologietarako eta baso produktuak eraldatzeko, mobilizatzeko eta merkaturatzeko inbertsioak.
• 15. neurria: Baso-ingurumeneko zerbitzuak, klima zerbitzuak eta basoen zaintza.
• Baso jabetzan belaunaldi aldaketa sustatzeko neurria